“Қар аралас жаңбыр жауады”. Синоптиктер еліміздің 10 өңірі бойынша ескерту жариялады
Синоптиктер осы сенбі-жексенбі күндері ауа-райының күрт өзгеруіне байланысты еліміздің 10 өңірі бойынша ескерту жариялады.
Қазгидрометтің хабарлауынша, 22-23 қыркүйек күндері Солтүстік Қазақстан, Ақмола, Павлодар, Қарағанды облыстарында, 22-24 қыркүйекте Шығыс Қазақстан облысында соңы қарға ұласатын жаңбыр күтіледі. Тұман түсіп, жел екпіні 15-20 м/с күшейеді. Түнде температура: -1,-6 градусқа дейін төмендейді, күндіз 5-10 градус жылы болады.
Сондай-ақ Қызылорда облысында 22-23 қыркүйек күндері солтүстік-шығыстан және шығыстан екпіні 15-20 м/с жел соғады, кей жерлерде шаңды дауыл күтіледі.
Батыс Қазақстан облысында 22-23 қыркүйек күндері кей жерлерде найзағай ойнап, желдің жылдамдығы 15-20 м/с-ке дейін артады.
22-23 қыркүйекте Орал қаласында күндіз солтүстік-шығыстан соғатын жел оңтүстік-батысқа ауысып, екпіні 18 м/с-ке дейін күшейеді.
22 қыркүйекте Оңтүстік Қазақстан облысында тәулік бойы жекелеген аумақтарда солтүстік-шығыстан 15-20 м/с жылдамдықпен жел соғады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе