“Астана марафон – 2017” өз мәресіне жетті

Айта кету керек, бұл қайырымдылық спорттық шараға қатысуға 4,5 мың адам ниет білдірген. Олардың ең жасы – 16-да, үлкені – 80 жаста. Сынға түсушілер 10 шақырымнан бастап 42 шақырымға дейін 3 түрлі қашықтықты жүгіріп өтті. Ұйымдастырушылардың айтуынша, марафонға еліміздің 22 қаласынан, сондай-ақ шетелдік 19 елдің азаматы қатысты. Олардың арасында АҚШ, Ұлыбритания, Аустралия, Германия, Италия, Кипр, Қытай, Ресей және басқа мемлекеттер бар.

Саймон Кипругут Кируй, Кениялық марафоншы:

– Көптеген марафонға қатысып жүрмін. Астанада өткен жарыс көңілімнен шықты. 42 шақырымды 2 сағат 27 минутта жүрігіп өттім. Бірақ мен бұл жолы 2 сағат 11 минутта бағындырақ болғанмын. Алайда Астананың желі аздап кедергі келтірді. Бұл арманымды келесі жарыстарда орындаймын.