Астанада сол жағалауда құрылысшылар арасында төбелес шықты
Сол жағалауда төбелес шыққан көше жабылып, оқиға орнына арнайы жасақ келді.
Астананың сол жағалауында жабылған көшеге арнайы жасақ келіп жетті, деп хабарлайды Sputnik Қазақстан.
Қиылысқа жиналған халық полиция қоршауын бұзып өтпекші. Төбелес шығып, Мәңгілік ел жаққа қарай ұласуда. Көліктер кері қайтарылып, оқиға орнында үш жүздей адам жиналды. Полицейлер жұртты тарқатуда.
Алматы және Түркістан көшелері арасындағы Мәңгілік ел көшесі бөлігі қоршалған, полицейлер жасағы Түркістан бойымен ЭКСПО-ға қарай созылды.
Оқиға орнына өрт сөндіру көлігі мен жедел жәрдем, сонымен бірге полицейлер мінген екі автобус келді.
Полиция мен Төтенше жағдайлар комитеті болған оқиға туралы пікір білдірмейді. Алайда оқиға куәгерлерінің айтуынша, “Абу-Даби плаза” кешенінің жұмысшылары тұратын ғимаратта жанжал шығып, ереуілге ұқсас жайт орын алыпты.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз