Жедел жәрдем қызметі барлық шақыртуға енді бармайтын болды

Енді медициналық жәрдем қызметі хәл үстінде жатқан науқасқа шұғыл жету үшін кейбір науқастардың шақыруынан бас тартады. Жедел жәрдем енді жедел науқасқа баруы керек. Денсаулық сақтау министрлігі шешілмей келе жатқан осы саланы бастан-аяқ реформалауға кірісті, деп alashinform.kzақпарат агенттігі хабарлайды.

Ләззат Ақтаева, ҚР Денсаулық сақтау вице-министрі:

-Денсаулық сақтау министрлігі жаңа мамандық ашып жатыр. Жедел жәрдем көрсететін дәрігерлер болады. Олар емханаларда отырып, қоңырау бойынша түскен науқақтарға шұғыл көмек көрсетеді. Сонда медициналық жәрдемнің сапасы артады

Енді жаңа тәртіп бойынша қан қысымы, дене қызуы көтеріліп, тамағы ісіп, асқазаны ауырып немесе салқын тигендерді жедел жәрдем ауруханаға тасымайды. Яғни, созылмалы дертке шалдығып көмек сұрағандар  емханаларға жіберілмек. Өйткені, жедел жәрдем болмашы диагнозға  бола әрлі-берлі жүргенде өлім аузында жатқан науқастарға сағаттап кешігеді екен.