Бүгін Қазақстанның басым аумағында қатты жел тұрып, жаңбыр жауады
10-тамызда Қазақстанның басым аймақтарында құбылмалы ауа-райы сақталып, өткінші жаңбыр жауып, найзағай жарқылдайды. Жел екпіні күшейіп, бұршақ, дауыл болуы мүмкін.
Еліміздің тек батысында және оңтүстік-шығысында жауын-шашынсыз ауа райы сақталады, деп хабарлайды Қазгидромет.
Қостанай, Ақмола облыстарының кей жерлерінде қатты жел тұрып, арты дауылға ұласуы мүмкін, сол секілді бұршақ жауады деп күтіледі. Жамбыл, Батыс Қазақстан, Атырау, Павлодар, Маңғыстау, Ақтөбе, Қарағанды, Шығыс Қазақстан облыстарының кей жерлерінде шаңды жел болады.
Алматы, Маңғыстау, Жамбыл, Оңтүстік-Қазақстан, Қарағанды облыстарында қатты ыстық ауа-райы күтіледі. Алматы, Қызылорда, Атырау, Оңтүстік Қазақстан, Жамбыл, Батыс Қазақстан облыстарында, Ақтөбе, Қарағанды, Шығыс Қазақстан, Қостанай облыстарының кей жерлерінде өте жоғары өрт қаупі сақталады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе