Дәурен Айдарқұлов келіншегімен тағы бір телехикаяға түспек

Кеше ғана баласын қолына алған Ақбота Сейітмағамбет жұмысқа кірісіпті. Әнші тыңдармандарына бір айдың ішінде екі-үш ән шығарып қана қоймай, жұбайымен бірге телесериалға бірге түсетінін де мәлім етті.

Бұл туралы “Гәкку” арнасына берген сұхбатында айтты.

Сәбиін босанған Ақбота Сейітмағамбет шығармашылығын қолға алды. Әнші жуырда жолдасы мен сәбиіне арнаған туындыларын жарыққа шығармақ. “Дәл қазір жаңа әндер жазып жатырмын. Айдың соңына қарай 2-3 әнім шығып қалады. Күз мезгілінде екі бейнебаян түсірмекпін. Бірінші әнім “Сезім қайда” деп аталады. Ал екінші әнім өзімнің балама арналады”, – дейді ол.