ВКонтактеде танысқан жігітпен кездесуге кетіп, 4 күн бойы із-түзсіз жоғалған алматылық оқушы Галина Япс үйіне аман-есен оралды, деп хабарлайды ҚазАқпарат тілшісі.
Анасы Натальяның айтуынша, 13 жастағы Галина Япс жақын маңдағы ауылдардың бірінде болған. Қыз телефонын жоғалтып алған екен. Құқық қорғау органдарының қызметкерлері оны қасындағы жігіттің телефонының орнын анықтау арқылы тапқан. Олар Пчелка деген ауылда болған. Қыз бейтаныс ауылдан қалай кетерін білмеген.