Құдайды шашлық жасаушы, тері сыпырушы етіп көрсетуді қою керек

Осы кейбір адамдар ақырзаманды аңсайтын сияқты.

Ар жағында “бізге сенбендер мен ермегендерге Алла шыбын жанын шырқыратып көзіне көрсетсе екен!” деген таяз үміт қылаң беріп қалады. Олардың өкінішіне қарай ақырзаман болмайды. Тәңірі садист емес. Өзі жаратқан сұлу тіршілікті қайдағы бір құмырсқадай күнәxарлардың ісі үшін жойып жібереді деген түсінік қисынсыз. Адамның ақырзаманы өзінің Арының алдында болады. Құдайды шашлық жасаушы, тері сыпырушы етіп көрсетуді қою керек. Руxани мешелдігіміз үшін Құдайдан ұялуымыз керек қайта.