Бауыржан Мусин әлі біраз уақыт қамауда отыратын болды, – деп хабарлайды КТК арнасы.
Дін істері және азаматтық қоғам министрлігіне қарасты комитет төрағасының орынбасарын қамауда ұстау мерзімі осы айдың соңына дейін ұзартылып отыр.
Айта кетейік, аталған ведомствоның қаржы-экономикалық істеріне жауапты болған Мусин 4 ай бұрын 400 мың теңге пара алып жатқан жерінен ұсталған болатын. Жемқорлыққа қарсы күрес жөніндегі Ұлттық бюроның мәліметінше, бұл – ауызбастырықтың тек бір бөлігі ғана. Жалпы сома – бір жарым миллион теңге. Бауыржан Мусин осы қомақты қаржыға мемлекеттік сатып алу ісін жекелеген кәсіпкерлердің пайдасына шешіп беруге уәде еткен.