“Жағы сынғанша сабады”. Қазақстандық америкалық боксшыны тізерлетті

Қарсыласының жағын сындырған қазақстандық боксшы Нұрзат Сабиров кәсіпқой бокстағы екінші жеңісіне қол жеткізді.

Бұл туралы Vesti.kz хабарлады. 23 жастағы қазақстандыққа америкалық Лорент Нельсон қарсы шыққан еді. Жекпе-жек түнде Канаданың Монреаль қаласында өтті. Қазақстан кәсіпқой бокс федерациясының мәліметінше, екінші орта салмақ дәрежесіндегі қос боксшы төрт раундқа созылуы керек болған, алайда жекпе-жек мерзімінен бұрын аяқталды.

Үшінші раундта қазақстандық өз қарсыласын соққының астына алып, рефери кездесуді тоқтату туралы шешім қабылдаған. Сабиров техникалық нокаутпен жеңіске жетті.

Нельсон жекпе-жектен кейін дереу ауруханаға жеткізілген, оның жағы сынып кеткен болып шықты.