“Екі-үш рет таяқ жегенмін”. Мақпал Жүнісова өткенін еске алды

Мақпал Жүнісованың қызы үздік оқушы, анасының көмекшісі екен. Бұл туралы әнші Hit Tv арнасына берген сұхбатында айтты.

Мерей көмекші ғана емес, бірнеше тілдерді жетік меңгерген екен. Мақпал Жүнісова шет елдерге шыққанда “аудармашы ” қызын бірге алып жүруді ұйғарды.

«Мерей 8-сыныпты бітіріп, 9-сыныпқа көшіп жатыр. Өте жақсы бағамен бітірді. Енді Мерей еркелеуін жақсы еркелейді, бәрін көтереміз. Менің қызым ақылды ерке, орнымен еркелейді. Аса бір қатты жаман қылықтары жоқ. Бала сияқты, мен одан да жаман болғанмын. Кейде бірнәрсе істеп қояды ғой, оған жай нәрсе сияқты қараймын. Мен одан да зорғысын жасайтынмын, велосипедпен бүкіл ауылды, тау-тасты аралап, қаңғырып кететінмін. Мамамнан сол үшін 2-3 рет таяқ та жегенмін. Ол орынды деп ойлаймын. Өйткені ананы әрқашан тыңдау керек. Ал менің қызым мені тыңдайды. Қызым туралы жаман ештеңе айта алмаймын», – дейді Халық әртісі.