Балмұздақ жемеңдер. Балмұздақтан 200-ге тарта адам уланды
Өзбекстанның Әндіжан облысында құлпынай балмұздағынан 200-ге тарта адам уланып, ауруханаға түсті деп хабарлады жергілікті билік пен тұрғындар.
Бұл туралы azattyq.org хабарлайды
Аймақтық денсаулық сақтау басқармасының қызметкері 16 мамырда Азаттыққа Шахрихон ауданының 182 тұрғыны 15 мамыр күні облыстық интенсивті терапия бөліміне түскенін хабарлады. Ол барлығы 300-дей адам жергілікті жерде дайындалған құлпынай балмұздағын жеген соң дәрігерге жүгінгенін айтты. Жергілікті тұрғындар зардап шеккендер саны бұдан да көп болуы мүмкін екенін және кейбір жерлерде “балмұздақтан уланған бірнеше адамның көз жұмғаны” туралы қауесет тарағанын айтады. Бірақ денсаулық сақтау басқармасы ауруханаға түскен науқастардың ешқайсысы қайтыс болмаған дейді.
Кейбір ақпарат бойынша, Шахрихон ауданына денсаулық сақтау министрінің орынбасары, Өзбекстанның бас санитарлық дәрігері Сайдмурад Сайдалиев бастаған бір топ дәрігер және төтенше жағдайлар министрлігінің қызметкерлері барған.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз