“Парақор екен!” Қанат Сұлтанбековке қандай айып тағылғаны белгілі болды

ҚР Ұлттық қауіпсіздік комитетінің өкілдері “Қазақстан инжиниринг” басқарма төрағасының бұрынғы орынбасары Қанат Сұлтанбековтың қай бап бойынша күдікті болып отырғанын айтып берді.

Бұл туралы Tengrinews.kz хабарлады.

“ҚР Ұлттық қауіпсіздік комитеті “Қазақстан инжиринг” Ұлттық компаниясы” АҚ басқарма төрағасының бұрынғы орынбасары Сұлтанбеков Қанат Таңатаровқа қатысты ҚР ҚК-нің 366-бабының 4-тарауы – “Аса ірі көлемде пара алу” бойынша сотқа дейінгі тергеу жүргізіп жатыр. Сот шешімі бойынша ол тұтқындалды. Істің өзге мән-жайы тергеу мүддесіне байланысты жарияланбайды”, – деп жауап берді ҚР ҰҚК өкілдері Tengrinews.kz редакциясының ресми сауалына.