“Әкесі бақсын”. Алимент төлемей жүрген астаналық әйелдің көлігі тартып алынды
Алимент төлемей жүрген астаналық әйелдің көлігі тәркіленді.
Бұл туралы Астана қалалық Әділет департаментінің баспасөз қызметіне сілтеме жасап, Tengrinews.kz хабарлады.
Елордалық мемлекеттік сот орындаушылары алимент төлемейтіндердің көліктерін тәркілей бастады. Баспасөз қызметінің мәліметінше, Әділет департаментіндегі мемлекеттік сот орындаушылары 139 көлікке іздеу жариялады.
“Мемлекеттік сот орындаушылардың көлік құралдарын іздестіру туралы қаулысы орындалу үшін Астана қалалық ІІД әкімшілік полиция басқармасына және жергілікті полиция қызметіне жіберілді”, – деді Әділет департаменті басшысының орынбасары Арынғазынов.
– Бір көлік құралы борышкердің келісімімен өндіріп алушыға жіберілді. Оның 1 миллион теңге көлемінде қарызы бар. Осы жылдың 26 сәуірінде әйел адамның көлігі тәркіленді.
Оның 2014 жылдың қыркүйегінен бері кәмелетке толмаған екі баласының алиментін төлемегені белгілі болды. Алимент көлемі – 1 191 754 теңге
– деді Астананың Әділет департаментіндегілер.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе