АҚШ Ауғанстандағы “Ислам мемлекетін” ең қуатты ядролық емес бомбамен соққылады
Америкалық әскер Нангахар ауған провинциясында әлемдегі ең қуатты ядролық емес бомба қолданды. 13 сәуірде Пентагонның хабарлауынша, GBU-43 бомбасы жергілікті уақытпен сағат 7:32-де Пәкістанмен шекараға жақын Ачин ауданындағы “Ислам мемлекеті” содырларының үңгір кешеніне тасталды.
Пентагонның баспасөз хатшысы Адам Стамптың мәлімдеуінше, GBU-43 бомбасы тарихта бірінше рет қолданылды. Оның қуаты – 11 тонна тротил эквивалентіне тең, жою радиусы – 140 метр.
Бұл бомбаның алдағы уақытта тағы қандай жанжал ошақтарында қолданылатыны белгісіз.
GBU-43 – фугис типті ядролық емес авиациялық бомба, америкалық әскер 2000-жылдардың басында жасаған, “Бомбалардың анасы” деп те атайды.
Бір апта бұрын АҚШ сириялық үкіметтің Шайрат әуе базасын әуеден соққылады. 7 сәуірде АҚШ 59 “Томагавк” тастады. Қару қолдануға АҚШ президенті Дональд Трамп бұйрық берді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе