Ақтық сында Димаш “Бесінші элемент” фильміндегі арияны орындайды (видео)
Димаш Құдайберген қатысып жатқан Қытайдың «Singer 2017» ән додасының жартылай финалдық кезеңінің аңдатпасы жарияланды.
Бұл туралы Димаш әлеуметтік желідегі жеке парақшасында жазды. Ол жартылай финалда италиялық әнші Адриано Челентаноның «Confessa» әнін орындады. Жартылай финалдың түсірілім жұмыстары 30 наурыз күні болып өтті. Бұл кезеңде жалпы 10 әнші өнер көрсетіп, оның сегізі финалға жолдама алды.
«Singer 2017» ән додасының финалистері:
1. Димаш Құдайберген 2. Лин Илиан (Sandy Lam) 3. Lion тобы 4. Линь Чжисюань 5. Ли Цзянь 6. Чжан Цзе 7. Чжан Бичэн 8. Юуань Явей (Tia Ray)
Еске сала кетейік, байқаудың жартылай финалы 8 сәуір күні эфирге шығады. Ал
ең соңғы шешуші бәсеке 15 сәуір күні өтеді. Қытайлық Hunan TV және Хабар телеарнасы ақтық бәсекені тікелей эфирде көрсететін болады. Ол кезде Димаш «Бесінші элемент» фильміндегі Плавалагун бикеші орындайтын арияны айтпақшы екен.
Біз Димаштың осыған дейін орындаған осы әннің видеосын салып отырмыз.
https://www.youtube.com/watch?v=NSyc6eEpql4
https://www.youtube.com/watch?v=Yw9O8HWZVXk
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе