Бәйбіше саған айтам, тоқалым сен тыңда!

Тордағы бұлбұл да еркіндікте жүргендегі кезіндей сайрай алмайды ешқашан. Сайраған күнде де даусы құмығып, мұңды болып шығады. Айғырды да қойға мінсең, 5-6 күннен соң-ақ, мəстек торыға айналады.

Қайта үйірге салсаң азынап шыға келеді. Қолға үйретілген қыран да шыңдағы мұзбалақтай зеңгір көкте еркін самғай алмайды. Еркек те солай.

“Қайда жүрсің? Қайда тұрсың?” – деп əр жүргеніне отчет сұрап, телефонына келетін əр қоңырауға күдік танытып, “Бүгін үйге қанша ақша əкелесің? Ұн таусылды, май таусылды…” – деп дүниеауи сұрақтармен миын ашыта берсеңдер, е, ол үй мен жұмыстың екі ортасындағы жолды ғана білетін есекке, е, пеш жанында пырылдап ұйықтай беретін мысыққа айналады.