Тәубе дейік! Соғыстан кейінгі қазақ тойының суреті көптің көңілін күпті етті (фото)
Әлеуметтік желіде 1960 жылы, яғни кеңес заманындағы ІІ-дүниежүзілік соғыстан кейінгі кезеңдегі қазақтың тойы түсірілген сурет пайда болды.
ВКонтакте әлеуметтік желісінде жарияланған бұл суреттегі жатақханада өткен тойдың жұпыны дастарқаны жастар жағын таң қалдырған. Газет төселген үстелде әр қонақ алдына май жағылған қара нан мен әр жерде көрінетін бір-бір түйір алмадан басқа ештеңе жоқ. Одан кейін ақ арақ самсап тұр. Ыстық тамақ енді келетін секілді.
Сол заманды көзі көргендер ас атасы – нан екенін, оны аса қадірлеу керектігін, бір түйір бидай үшін ата-апаларымыз ит жеккенге айдалғанын айтып, өткенді еске алып жатыр. Ол кездің адамдары қанағатшыл, тәубелшіл еді дейді. Өкінішке қарай, қазіргі заманның адамдарының көбісі осы қасиеттерден жұрдай екендігі, тойымсыздықтары сынға алынды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе