Тайландта қазақстандық турист қайтыс болды
14 желтоқсан күні Пхукет қонақ үйінің 5-қабатынан секіріп кеткен қазақстандық турист Патонга госпиталінде көз жұмды.
Бұл туралы thaigovno.com шетелдік сайтына сілтеме жасап, ҚазАқпарат хабарлады.
Патонгадағы D1 қонақ үйінің қызметкерлері туристің 5-қабаттан секіріп кеткенін хабарлаған. Оқиға орнына келген полиция қызметкерлері асфальтта ес-түссіз жатқан ер адамды көреді. Қазақстандық турист сол жақ бетімен құлаған және оң аяғы сынған. Құтқарушылар алғашқы медициналық көмек көрсетіп, Патонга ауруханасына алып кеткен. Қазақстандық науқастарды қабылдау бөлімінде көз жұмды.
Ер адамның неден мерт болғанын полиция әзірге ештеңе айта алмайды. Оның өлімі туралы ақпарат елшілікке жіберілді. Қайтыс болған Темірәлі Рысқұлов 42 жаста болған. Оның Фейсбуктағы жазбаларына қарағанда тапсырыспен кәдесый монеталарын соғумен айналысқан.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз