Ал құтты болсын! Джеки Чан Оскар алды (фото)
Актер Джеки Чан сенбіде кинематографияға қосқан елеулі үлесі үшін «Оскар» сыйлығын алды (Academy Honorary Award).
Бұл туралы Америкалық кино өнері академиясына сілтеме жасап Қазақпарат хабарлайды.
Марапатты Лос-Анджелестегі (Калифорния штаты) Hollywood and Highland Center ойын-сауық кешенінде арнайы салтанатты кеште тапсырды. Бастапқыда бұлар «Оскар» сыйлығымен марапаттаудың негізгі рәсімі кезінде тапсырылып жүрген. Бірақ кейіннен маңыздылығын ерекшелендіру үшін арнайы кеш өткізілді.
«Оскар» сыйлыығын алған соң, бүкіл әлемге танымал шығыс жекпе-жегінің шебері өзінің кинематографиядағы ұзақ жылғы жемісті еңбегіне қарамастан бұл марапатты күтпегендігін айтты. Академия Джеки Чаннан бөлек америкалық режиссер-документалист Фредерик Вайсманға, кастинг-директор Линн Сталмастерге, сондай-ақ британдық әйел – монтаж жасаушы Энн Коутсқа мүсіншелер табыстады.
Forbes журналының деректері бойынша, 62 жастағы Джеки Чан әлемдегі ең жоғары жалақы табатын актерлердің рейтингінде екінші орында (61 млн доллар).
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз