«Тәуелсіздігіміздің 25 жылдығына орай үлкен қалаларда көптеген жиындар, кештер, тойлар өтіп жатыр. Миллиондаған қаражатқа алынған отшашулар қаншама отбасының бір жылдық тамағы. Кеше біраз ауылдарды аралап, біраз отбасының тәуелсіздігімізді тойлау түгілі, бала шағасына нан тауып бере алмай отырған жағдайларын көрдім.
Менің сізге ұсынысым бар: 17-ақ миллион халқыңыз бар. Əрбір ҚР азаматының есеп шотына тәуелсіздігіміздің 25 жылдығына орай 25 мың теңгеден аударсаңыз дұрыс болар еді. Ауыл халқы өз отбасымен тәттісін алып тойлап, еліміздің тәуелсіздігін сезінер еді. Бір жағынан, жылдар бойы шығара алмай жүрген халық саны жайлы статистиканы дұрыстап алар едік. Менің ұсынысымды қабыл аласыз деген үміттемін. Еліміздің тəуелсіздігі берік болсын», – дейді А.Орынбек өзінің Фейсбуктегі парақшасында.
