Шекарадан заңсыз алып өтпек болған жарты келі есірткі тәркіленді
Өткен тәулік ішінде қазақстандық шекарашылар жалпы салмағы жарты келі болатын есірткі заттарын шекарадан заңсыз алып өтпек болғандарды ұстады.
Бұл туралы ҚР ҰҚК Шекара қызметінің баспасөз қызметі хабарлады.
Қазақ-қырғыз шекарасының бойында орналасқан «Қордай-авто» бақылау-өткізу бекетінің шекарашылары қызметтік иттің көмегімен 30 жастағы Ресей Федерациясының азаматын ұстады.
Ол «ВАЗ-2115» автокөлігімен Қазақстаннан Қырғызстанға бара жатқан. Салмағы 15 грамм болатын қарасора тұқымы оның автокөлігінің жүксалғышындағы қол сөмкесінен шықты.
Осы күні Қарасай шекара отрядына қарасты «Саты» заставасының шекарашылары Райымбек аудандық ішкі істер бөлімінің қызметкерлерімен бірлесе отырып, 39 жастағы азаматты ұстады. Ол салмағы 500 грамм болатын «гашишті» дайындап жатқан жерінен қолға түсті.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз