Бүгін Қазақстанда ҰБТ басталады
Қазақстанда Ұлттық бірыңғай тестілеу 2-10 маусым аралығында өтеді.
ҚР Білім және ғылым министрлігінің деректеріне сәйкес, 2016 жылы Қазақстанда мектепті 121 092 оқушы бітіреді; олардың 83 330-ы қазақ тілінде, 37 762-сі – орыс тілінде. ҰБТ тапсыруға 86 991 түлек өтініш білдірді. Бұл жалпы санның 72 пайызын құрайды. Олардың ішінде, қазақ тілінде – 63 021, орыс тілінде – 23 970 түлек тапсырады.
Биыл алғаш рет ҰБТ барлық қатысушыларын жоғары білім алуға қолжетімділікті қамтамасыз ету мақсатында шекті 50 балл ала алмаған түлектер үшін 2016 жылғы тамызда кешенді тестілеуді қайта тапсыру мүмкіндігі қарастырылған.
Ведомство хабарлағандай, 2004 жылдан бастап 12 жылда ҰБТ-ға 1 млн 504 мың түлек қатысты. Бұл осы жылдардағы түлектердің жалпы санының 77,1 пайызын құрайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе