Көкшетау аэропорты бірнеше күннен бері жабық тұр
Ақмола облысының орталығындағы аэропорт мамандандырылған әкімшілік соттың шешімімен бірнеше күннен бері жабық тұр. Бұл туралы облыстық соттың баспасөз қызметі хабарлайды.
Сот қаланың әуе қақпасын 10 күндік мерзімге жапқан болатын. Облыстық соттың баспасөз қызметі хабарлағандай, соттың аэропорт иесі болып табылатын «Көкшетау авиакомпаниясы» АҚ-ның іс-әрекетін тоқтату туралы шешімі авиациялық қауіпсіздік талаптарының бұзылуына байланысты ағымдағы жылғы 1-ақпанда қабылданған.
Мемлекеттік бақылау және тексеру органдарының заңды талаптарын, ұсыныстарын, қаулыларын орындамағаны үшін авиакомпанияның лауазымды тұлғаларына 200 АЕК көлемінде айыппұл салынып, аэропорттың жұмысы 10 күнге тоқтатылған. Бұл шара 20 мамырдан басталған. Енді 30 мамыр күні әуе қақпасы қайтадан өзінің жұмысын жалғастырады.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз