9 мың теңге үшін сатушыны 48 жерден пышақтаған азамат ұсталды
Алматы облысының тұрғыны анасымен жасты сатушыны 48 жерден пышақтап кетті. 51 жастағы әйел қазір ауыр халде ауруханада жатыр. Дәрігерлер оның өмірін арашалап қалу үшін барын салуда.
Алматы полициясының баспасөз қызметі хабарлағандай, 24 жастағы жігіт Бөкейханов көшесіндегі кішігірім дүкендердің бірін тонамақ болады. Түскі 14.00 шамасында ол 51 жастағы сатушыны соққыға жығып, 48 жерінен пышақ салған.
«Сатушы есінен танып қалған кезде,
тонаушы кассадағы 9 мың теңгені алып тайып тұрған.
Іздестіру тобы күдіктіні ізін суытпай ұстады. Ол Алматы облысы Іле ауданының тұрғыны болып шықты. Құрықтау операциясы барысында оның қалтасынан суық қару пышақ табылды. Ол заттық айғақ ретінде іске тіркелді»,
– деді Жетісу аудандық ІІБ басшысының орынбасары Дәулет Сәмбетов.
Қазір күдіктіге қатысты ҚР ҚК 192-бабының 2-бөлімімен қылмыстық іс қозғалып, сотқа дейінгі тергеу шаралары атқарылуда.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз