“800 гектар жер үшін”. Баян Алагөзованың “Баян Сұлуды” қалай таңдап алғаны белгілі болды

“Қозы Көрпеш-Баян Сұлу” телехикаясы жарыққа шыққалы бері ел наразылығына ұшырауда.

Баян Сұлуға тұрарлық тәжірибелі актрисаның орнына студент қызды алғаны үшін Баян Мақсатқызының тарапына түрлі шағымдар түсіп жатты. Оның басты себебі – жас актриса Алматы облысы әкімі орынбасарының қызы. Бұл туралы заңгер Айгүл Орынбек хабарлады.

https://kaz.365info.kz/korsetkishi-kyshti-erlan-kharin-khozy-korpesh-bayan-sylu-filmin-synagandarga-zhauap-khatty-296061

“Тілімнің қорланғанын көріп қатты жүрегім ауырды. Халықтың шырылдауы орынды.
Басты рөлді ойнаған қызда ешқандай қазақылық жоқ. Актриса дұрыс таңдалмаған. Қазақтың мəдениетін ашып көрсете алмаған. Бəрінің пікірін оқып шықтым. Біраз елге танымал аға- апаларым ашынып отыр екен. Ұлттық идеологияның құлдырауы деп осыны айту керек!
Ал Баян ханымға келер болсақ, Баян ханым егер таза болсаңыз мынандай əңгімелер ермес еді артыңыздан. Спонсорларды лақтырып, сериал түсіргеніңіз үшін жер алып жатсаңыз бұл нағыз коррупция. Мұны жемқорлыққа қарсы күрес агенттігі тексеріп көргені дұрыс болады деп ойлаймын. 54 миллион теңге жерде жатқан ақша емес! Халықтың салығы! Халық өз қаржыларының қайда кетіп жатқанын сұрауға құқылы!” – деп мәлімдеген заңгер желіден алынған мәліметтерді жария етті.