800-ден астам жаңа жедел жәрдем көлігі кезекшілікке шығады

Мәселе жедел жәрдем шақыратындар санының күрт артып кетуінде. Республика бойынша олардың саны 1,8 есеге, астана мен Алматыда 2,5 есеге артты деп хабарлады Денсаулық сақтау министрлігінің орталық коммуникациялар қызметінде Алексей Цой.

Министрдің айтуынша, 807 жедел жәрдем көлігін жеткізу жөнінде қазақстандық өндірушімен келісімге қол қойылды. Сонымен қатар,  Corona-taxi деп аталатын қызметті енгізу бойынша жекелеген елдердің тәжірибесі зерттелуде. Бұндай такси автопаркінің қызметіне медициналық емес ұйымдардың көлігі пайдаланылады.