Қостанайлық Рамзан Байдәулетов Біріккен Араб Әмірліктерінде менталды арифметикадан өткен халықаралық жарыстың әділқазылар алқасын таңдай қақтырды, – деп хабарлайды Қазақпарат.
Жеңімпаздың анасы Айгүл Аюпованың айтуынша, оның баласы өзінің дәрежесінде бірінші болды. 8 минуттың ішінде ол 175 мысалды шешті.
«Онда екіқатарлы және бірнеше қатар мысалдар болған. Балам шешті. Ол цифрларды әп-сәтте орын-орынымен орналастырады. Өткен жылы біз менталды арифметика академиясына барғанбыз. Бүгін, міне, нәтижесін көріп отырмыз», – дейді жас ақыл-ой иесінің анасы.
Дарынды бүлдіршіннің анасы баласының өте керемет есте сақтау қабілеті барын айтады.
Енді 6 жасар чемпионға Индонезияда өтетін жарыстарға қатысу жөнінде ұсыныс түскен. Ол Бали аралына 2017 жылдың желтоқсан айында барады.
Рамзанның ең үлкен армандарының бірі – Елбасының шыршасына қатысу.