Шымкент мектебінде асылып қалған жас мұғалімге қатысты жаңа деректер шықты. Жұмыс кабинетінде дарға асылып қалған мұғалімді бірінші болып мектеп оқушылары байқаған .
Бұл туралы Nur.kz хабарлады.
Марқұм болған педагогты жақындары кеше, яғни 22 сәуір күні ақтық сапарға шығарып салды.
Былтыр дәл осы уақытта марқұмның туған інісі де өзіне қол жұмсап, қаза тапқан еді деп еске алады жақындары.
“Такирхан қайтыс болғар күні жұмысқа шығарып салдым. Көңіл-күйі жақсы еді. Жұмысы десе ішкен асын жерге қоятын. Түс ауа қаралы хабарды естігенде шошып қалдық. Нағашы інім болатын.
Бір жыл бұрын оның інісіде өз-өзіне қол жұмсап қаза тапқан. Мектеп әкімшілігіне қояр талабымыз жоқ”, – дейді марқұм болған педагогтың нағашы ағасы.
Қазір осы оқиғаға қатысты Қаратау аудандық ІІБ тексеру жұмыстарын жүргізуде.
Айта кетейік, қайғылы жағдай 21-ші сәуір күні Асар шағын ауданындағы 90-шы мектепте болған. Білім ұясының басшылығы суицид жасаған әріптестерін қызметте белсенді әрі еңбекқор болған дейді.