22 жасар жігітті ұрлап, ақша бопсалаған қаскүнемдер құрықталды
Қарағанды қаласының 22 жасар тұрғынын ұрлап, 100 мың теңге бопсалаған базбұзарлар құрықталды.
Қарағанды облысы ішкі істер департаментінің баспасөз қызметі келтірген мәліметке сүйенсек, биыл 7-тамызда 22 жастағы туысқандарын белгісіз үш азамат ұрлап әкетіп, оған 100 мың теңге талап етіп отыр деген арызбен жәбірленушінің туыстары қалалық ішкі істер басқармасының Михайлов полиция бөлімшесіне шағымданған.
Ұрланған жігіт туралы Қарағанды облысының ішкі істер органының барлық жеке құрамына нұсқау-хабарлама берілді. Көп ұзамай, келесі күні Михайлов полиция бөлімінің жедел қызметкерлері жәбірленушіні қала гараждарының бірінде екенін, оны үш жігіт ұстап отырғанын анықтады. Шұғыл әрекетке көшкен олар 22, 24 және 21 жастағы Қарағанды облысының үш тұрғынын ұстады.
Аталған факт сотқа дейінгі тергеудің бірыңғай тізіліміне ҚР Қылмыстық кодексінің 125-бабы, 2-тармағы бойынша тіркелді. Ұсталғандар уақытша ұстау изоляторына қамалды. Тергеу жүргізіліп жатыр.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз