19 бала тудыртқан 28 жастағы бойдақ жігіт миллионер болып шықты (фото)

28 жастағы жігіт суррогат аналарға 19 бала тудыртқан. Бұл жайт үш елде үлкен дау-дамайға айналып, адам саудасы бойынша іс қозғалған.

28 жасар жапон жігіті Мицутоки Шигета сот шешімімен бірден 16 баланың әкесі атанды деп хабарлады шетелдікке БАҚ-қа сілтеме жасап,  ҚазАқпарат.

Сот істі 3 жыл қарады.

Таиланд полициясы 2014 жылы Бангкоктағы зәулім пәтерде табылған 9 нәрестенің әкесі Мицутоки Шигета екенін ДНК арқылы тапқаннан кейін, жапондық азаматтың басы дауға қалған. Ал балаларға тәулік бойы бала күтуші қараған. Олардың жасы – екі аптадан бастап екі жасқа дейінгі аралықта. Кейінірек тағы 4 бала табылды – оларды да жапондық жігіттен Таиландтағы суррогатты аналар дүниеге әкелген.

Тергеу барысында Шигета миллионердің баласы екені, ол үйленбей-ақ көп балалы әке болуды қалағаны анықталған.

Үндістандағы және Таиландтағы суррогатты аналар оған барлығы 19 бала туып берген. Сондықтан оны әкелік құқығынан айырып, адам саудасы бабымен айыптаған.

Таиландтағы 13 сәби дау-дамай басталғаннан кейін мемлекеттің қамқорлығына алынған, ал Шигета Жапонияға оралып, Таиланд сотына шағымданған.

Сотта көп балалы әке олардың барлығын өз қамқорлығына алу үшін дәулеті жеткілікті екенін дәлелдеп шыққан. Сонымен қатар, ол балалардың барлығын Жапонияға әкету құқығына қол жеткізген.

Ол осы мақсатта бала күтушілер мен медбикелерден тұратын арнайы топты жалдаған.
БАҚ-тың хабарлауы бойынша, Мицутоки әлі үйленбеген бойдақ, бірнеше компанияны басқаратын дәулетті жігіт.