«150 жылға жетеді». Қазақ ғалымы «сұмдық батарейка» ойлап тауыпты
Назарбаев Университетінің профессоры Зинетола Енсепов болашақта телефон батареясының қазіргі көрсеткіштерден жүз есе ұзақ қызмет көрсетуге мүмкіндік беретін технологияны патенттеді, деп жазады Sputnik.
“Телефондағы ең күрделі мәселе оның батареясы. Сіз оны қуаттандырасыз – ол тез отырып қалады. Телефондардың келесі нұсқаларында өмірлік қолдануға мүмкіндік беретін батареялар орнатылады. Мысалы, ол 150 жыл жұмыс істеуі де мүмкін. Оны жасап шығару үшін, отынды жеткізу сорғышы болуы керек. Мұндай батарейлер қазір де бар, бірақ олардың көлемі өте үлкен. Оларды өз телефондарыңызға қосқыңыз келсе, олар жұмыс істемейді. Біздің құрылғы осындай батарейлерді іске қосуға мүмкіндік береді”,
Ғалымның айтуынша, бұл жаңалық тек қана телефондар үшін ғана емес, сонымен қатар ноутбуктерге де арналады.
Физика-математика ғылымдарының докторы өзінің жаңалығы жайлы нақты түсіндіріп берді. Бұл батарейлер сутекті отынмен жұмыс істейтін болады.
“Ал келесі канал бойымен ауа қозғалады. Бұл екі компонент кездесіп, электр қуатын тудырады. Былайша айтқанда, сіздің телефоныңыз паравозға айналады. Алайда, бұл жағдайда телефон қызып кетпейді. Бұл болашақтың отын көзі”,
— деп атап өтті профессор.
Мұндай “керемет” жаңалық ғалымның ойына осыдан он жыл бұрын келген. Ғалым отын сорғышы технологиясын дайындаумен 2006 жылдан бастап, американдық ірі зертханада жұмыс істеп жүрген кезден бері айналысып келеді.
Бүгінде наносорғышты дайындаумен елордалық университет ғалымдар тобы ғана емес, сонымен қатар ресейлік және американдық ғалымдар да айналысып жатыр.
Фото: © Sputnik / Айгюзель Кадир
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе