Алматыда автобус кондукторы жолаушыға пышақ ала жүгірген оқиғаға байланысты тергеу амалдары басталды.
«Алатау ауданына қарасты Ішкі істер басқармасында аталған жәйт бойынша ҚР Қылмыстық кодексінің 107-бабы (саналы түрде адам денсаулығына орташа деңгейде зақым келтіру)бойынша іс қозғады», – делінген хабарламада.
Оқиға 22-маусымда №303-ші бағыттағы қоғамдық көлікте болған.
«Бұл оқиға 22-маусым күні кешке жақын орын алды. Арада болған даудың соңында кондуктор жолаушының аяғына пышақ сұғып алған. Жарақаттанған азаматқа дәрігерлер алғашқы көмекті сол жерде көрсеткен. Жәбірленуші денсаулығына байланысты бірден үйіне жіберілді»,- делінген Алатау аудандық ішкі істер басқармасы таратқан хабарламада.
Күдіктіге қатысты іс алдын ала тексеру кезінде анықталады.
Бұл Алматыдағы №303 бағыты бойынша қатынайтын жолаушылар автобусы кондукторына қатысты тіркелген бірінші қауіпті жайт емес.
Былтыр тамызда тағы осы автобустың кондукторы жол бойында жүк көлігін тепкілеп, әбден есірген. Оған себеп те жоқ емес секілді. Өйткені 2014 жылғы тамызда тура осы бағыттағы автобус жүк көлігімен соқтығысып, 5 жолаушы ауруханаға түскен.