Жаңаөзен қаласында мас күйінде көлік жүргізген әйел-жүргізуші полицейлерге ұсталып қалыпты. Сол үшін Жаңаөзен соты оны үш жылға жүргізуші куәлігінен айырды, деген сарындағы хабарлама Маңғыстау облыстық сотының сайтында пайда болды.
Әлгі әйел шілденің 28-і күні рестораннан шығып, көлігіне мініп кете барған көрінеді. Бірақ жолда оны полиция тоқтатып, оның бойынан ішімдіктің буын сезіп қойыпты. Медициналық сараптамаға апарғанда мас екені анықталған.