Тас жолдан түскен табыс
“Астана-Щучье” тас жолында ақылы жүйе енгізілгеннен бері 3 млрд теңгеден астам қаржы жиналған.
“Бұл туралы ақылы жолдардың дамуына қатысты өтіп жатқан дөңгелек үстелде ҚР Инвестициялар және даму министрлігі Автокөлік жолдары комитетінің төрағасы Сайранбек Бармақов мәлімдеді”, – деп хабарлайды BNews.kz.
«2013 жылдан бері бізге 3 млрд теңгеден астам қаржы түсті. Ақылы болғандықтан, жолды күтуге бюджеттен ақша бөлінбейді. Яғни, бүгінде Астана-Щучье тас жолын қыс пен жаз мезгілінде тазалау, жол бетіндегі ақауларды жою секілді жұмыстың барлығы ақылы жүйеден түскен ақшаға жасалады», – деді С.Бармақов.
Таяу арада Алматы-Қорғас, Астана-Атбасар, Шымкент-Тараз және Шымкент-Қызылорда жолдары да ақылы болмақ.
«Биыл ақы өндіру жүйесін енгізуді жобалау басталады. Жобалар дайын болған кезде оны жүзеге асыра бастаймыз», – деп толықтырды ол.
Естеріңізге салып өтсек, 2020 жылға дейін Қазақстанда ұзындығы 7 мың шақырым автожолды ақылы ету жоспарланып отыр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз