Сирия мен Түркия арасындағы шекарада тіркелген жарылыстан кем дегенде 20-ға жуық адам қаза тапты. Бұл туралы Ұлыбританияда орналасқан Syrian Observatory for Human Rights (SOHR) ұйымы хабарлады. Шабуылды “Ислам мемлекеті” экстремистік тобы ұйымдастыруы мүмкін.
Ұйым мәліметі бойынша, сриялық Идлиб провинциясының Атме елді-мекенінде болған шабуыл сириялық бүлікшілерге қарсы бағытталды.
“Ислам мемлекетінің” Amaq ақпарат агенттігінің хабарлауынша, бүлікшілер отрядын жанкешті шабуылдаған.
Сириядағы бүлікшілер тобы қазір түрік әскерімен бірге елдің солтүстік-шығысындағы Түркиямен шекаралас орналасқан Идлиб провинциясында ИМ күштеріне қарсы соғысып жүр.