Шығыс Қазақстанда депо қызметкерлері жүк вагонын тонаған
Шығыс Қазақстан облысында депо қызметкерлері жүк вагонын тонаған. Келтірілген зиян көлемі – 3 492 059 теңге. Заттай айғақ тәркіленді.
Көлік полицейлері сомасы 3,5 млн теңгеге жуықтайтын тұрмыстық тауарларды ұрлаған локомотив депосы мен әскерилендірілген теміржол күзетінің қызметкерлерін ұстады, деп хабарлайды BNews.kz.
Биылғы жылдың 6 шілдесінде Желілік ішкі істер бөлімінің криминалдық полиция қызметкерлері Достық стансасында жүргізген жедел-іздестіру шаралары барысында 49 бума әйелдің бас киімін жымқырған Шығыс Қазақстан облысы Аягөз ауданының 5 тұрғынын анықтап, ұстады.
Тексеру барысында анықталғандай, ұсталғандар жоғарыда аталған тауарды 4 маусым күні «РЗД-Қарақұм» аралығында «ҚХР-Өзбекстан» бағыты бойынша келе жатқан вагон контейнерінен қолды қылған.
Қазір ұсталған 5 азамат қамауда отыр. Аса ірі көлемдегі ұрлық жасады деген айыппен сотқа дейінгі тергеу жүргізіліп жатыр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз