Сауль Альварес: Головкин әлсіз қарсыластарды таңдайды

65 просмотров

Екі салмақ бойынша бұрынғы әлем чемпионы Сауль «Канело» Альварес (47-1-1, 33 КО) WBA (Super), IBO, WBC және IBF тұжырымдары бойынша орта салмақтағы әлем чемпионы Геннадий Головкинді әлсіз қарсыластарды таңдағаны үшін сынға алды.

Бұл туралы мексикалық боксшы  Ring TV арнасына берген сұхбатында мәлімдеген деп хабарлайды bnews.kz.

«Оның (Головкин) барлық қарсыласы – әлсіз. Ол ешқашан өзін жаңа деңгейге шығаратын қарсыласпен жұдырықтасқан жоқ», — деді боксшы.+

Альварестің пікірінше, оның Әмір Ханға қарсы жекпе-жегінде Головкиннің жағдайымен салыстырғанда айырмашылық бар. Ал, қазақстандық боксшы алдағы уақытта шаршы алаңда Келли Брукпен қолғап түйістіреді.

«Ең басты айырмашылық – Брук екі категорияға көтеріледі. Ал Әмір Хан бір дәрежеге ғана көтерілді», — деді ол.

Айта кетейік, Сауль «Канело» Альварестің қазақстандық боксшыға қарсы жұдырықтасуға мүмкіндігі болған еді. Алайда, мексикалық былғары қолғап шебері өз еркімен Геннадий Головкинге WBC белбеуін бере салды. Кейін екі тарап жекпе-жекті 2017 жылдың күзіне қалдырғанын мәлімдеген.

Ал, Геннадий Головкин мен Келли Брук арасындағы жекпе-жек 10 қыркүйек күні Лондондағы O2 аренасында өтеді.

Сауль «Канело» Альварес 17 қыркүйекте WBO тұжырымы бойынша орта салмақтағы әлем чемпионы 27 жастағы британдық Лиам Смитпен (23-0-1, 17 КО) кездеседі.

Загрузка...