Нұртай Сәбильянов ҚР Парламенті Мәжілісінің комитет төрағасы болып сайланды

135 просмотров

Бүгін Парламент Мәжілісінің жалпы отырысында депутаттар палатаның Экономикалық реформа және өңірлік даму комитетінің төрағасын сайлады.

Бұл туралы ҚР Парламенті Мәжілісінің баспасөз қызметі хабарлады.

Мәселені қарау барысында депутат Шавқат Өтемісов төрағалыққа Нұртай Сабильяновтың кандидатурасын ұсынған болатын. Ашық дауыс беру барысында депутаттар кандидатты қолдап, палатаның тұрақты комитетінің төрағасы етіп Нұртай Сабильяновты сайлады.

Нұртай Салихұлы Сабильянов 1962 жылдың 1 маусымында сол кездегі Семей облысы Аягөз ауданы Шынқожа ауылында дүниеге келген.

1988 жылы Алматы халық шаруашылығы инстиутын «Бухгалтерлік есеп және шаруашылық қызметті талдау» мамандығы бойынша бітірді.

1999 жылы Қазақ Мемлекеттік Ұлттық университетін заңгер мамандығы бойынша тамамдаған.

1986 жылы Алматыдағы Желтоқсан оқиғасының белсенді қатысушысы.

1994 жылдан Қазақстанның аудиторлар палатасының мүшесі. Парламенттің бірқатар шақырылымдарында депутат, соның ішінде Мәжілістің Қаржы және бюджет комитетінің мүшесі болып келген еді.

Загрузка...