Жастар мектептегі дінтану пәнін ұлттық құндылықтар бағытына және ислам дініне жақындатуды ұсынып отыр.
Сондай-ақ пәннің тақырып аясын кеңейтіп, сағат санын көбейту қажет дейді олар деп хабарлады “Хабар-24” телеарнасы.
Сонымен бірге қоғамның рухани негіздерін дұрыс қалыптастыру үшін Абайтану, Яссауитану, Шәкәрімтану, Мәшһүртану секілді курстарды оқыту немесе оларды арнайы гуманитарлық пәндер қатарына кіргізу керектігі де айтылды.
Айнұр Әбдірәсілқызы, Дін істері жөніндегі ғылыми-зерттеу және талдау орталығының директоры:
– Жастарды дін мәселесі көбірек қызықтыратын болғандықтан, осы мәселені толығымен талдау мақсатында «Дін және жастар» атты дербес форум өткізу қажеттігі айқындалды. Сонымен қатар жастарға радикалды ықпалға түскен тұлғалармен жұмыс істеудің әдіс-тәсілдердің үйрететін, жастардың әлеуетін пайдалануға мүмкіндік беретін деңгейде арнайы оқыту семинарларын ұйымдастыру қажеттігін де біз осы секцияның жұмысы барысында қорытындыладық.