Көкшетауда бөлім басшысы парамен ұсталды
Көкшетауда Бурабай аудандық тұрғын үй коммуналдық шаруашылығы, жолаушылар көлігі мен автомобиль жолдары бөлімінің басшысы 2 миллион теңге пара алғаны үшін ұсталды, – деп хабарлайды Сыбайлас жемқорлыққа қарсы іс-қимылдар ұлттық бюросының баспасөз қызметі.
Сыбайлас жемқорлыққа қарсы іс-қимылдар ұлттық бюросының Ақмола облысы бойынша департаменті Бурабай аудандық тұрғын үй коммуналдық шаруашылығы, жолаушылар көлігі мен автомобиль жолдары бөлімінің басшысы Елемесовті ұстады.
Елемесовтің Щучинск қаласы автожолдарының бойын көгалдандыру бойынша, мердігерлік жұмыстарға қол жеткізуге көмек көрсеткені үшін заңды тұлғадан 2 миллион теңге көлемінде пара алғаны анықталды.
Қазір Елемесов Көкшетау қалалық ішкі істер департаментінің уақытша қамау абақтысына қамалды. Қазіргі таңда сотқа дейінгі тергеу амалдары жүргізіліп жатыр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз