Еліміздің басым бөлігінде жаңбыр жауып, найзағай ойнайды, жел күшейеді. Республиканың солтүстігі мен шығысында бұршақ жаууы мүмкін, батыста ауа райы жауын-шашынсыз болады.
Қазгидрометтің мәліметінше, Ақмола облысының кей жерлерінде желдің екпіні 15-20 м/с дейін күшейіп, бұршақ жаууы ықтимал, түнде және таңертең тұман түседі.
Солтүстік Қазақстан облысында да жел тұрып, тұман түседі деп күтіледі. Оңтүстік Қазақстан облысында желмен қоса шаңды дауыл көтеріледі. Сондай-ақ Оңтүстік Қазақстан, Батыс Қазақстан, Жамбыл облыстарында аптап ыстық болады.