Елімізде жетім балалар туралы деректер банкі құрылды

19 просмотров

Қазақстанда жетім балалар туралы ақпараттар сақталатын республикалық деректер банкі құрылды.

Бұл қордағы деректер арқылы тағдырдың тәлкегіне түскен бүлдіршіндер мен жеткіншектердің жынысы, жасы, денсаулығы, мінез ерекшеліктері, туған-туысының бар-жоғы секілді мәліметтер көпшілікке қолжетімді болады деп хабарлайды 24.kz.

Осылайша асырап алушы азаматтар балғындардың қысқаша өмірбаянымен таныса алады.

Бүгінде елімізде 30 мыңға жуық жетім бала бар. Оның 8 мыңы жетім балаларға арналған мекемелерде тәрбиеленіп жатыр.

Гүлмира Күлсариева, ҚР Білім және ғылым министрлігі Балалардың құқықтарын қорғау комитетінің бас сарапшысы:

— Бұл балаларды асырап аламын деген, өз отбасына патронатқа, қамқорына аламын деген азаматтар үшін осы республикалық деректер банкі құрылған. Деректер банкіндегі ақпарат Балалардың құқықтарын қорғау комитеті сайтында орналастырылады. Басты мақсат – бұл балалар үйлеріндегі жетім және ата-ана қамқорлығынсыз қалған балаларды отбасына орналастыру.

Загрузка...