«Егемен Қазақстан» газетінің бас редакторы ауысты

99 просмотров

«Егемен Қазақстан» республикалық газеті» акционерлік қоғамы директорлар кеңесінің отырысында қабылданған шешім негізінде Амантай Шәріп басылымның бас редакторы болып тағайындалды.

Бұл туралы Егемен Қазақстан газетінің ресми сайтында хабарланды.

Бұрын бас редакторлықты қоса атқарып келген басқарма төрағасының орынбасары Еркін Қыдыр енді газеттің жалпы шығармашылық жұмыстарына басшылық жасайтын болды.

Амантай Жарылқасынұлы елімізге белгілі басылымдарда жұмыс істеген, жоғары оқу орындарында проректор, ұлттық телеарнада басқарма төрағасының орынбасары қызметтерін атқарған. Филология ғылымдарының докторы, профессор.

Сондай-ақ газеттің жауапты хатшысы болып Асқар Беков тағайындалды. Ол бұдан бұрын «Дала мен Қала», «Айқын» газеттерінде жауапты қызметтер атқарған.

 

Загрузка...