Беларусь президенті Лукашенко Ислам Кәрімовтің зиратына барды
Беларусь президенті Александр Лукашенко бейсенбі күні жұмыс бабымен Өзбекстанға барды. Самарқан қаласында ол Өзбекстан президенті міндетін уақытша атқарушы Шавкат Мирзиеевпен кездесті.
Келіссөздер кезінде Лукашенко екі мемлекет арасындағы қарым-қатынасты жақсартудың жолдары көп екенін мәлімдеді.
“Біздің экономика саласындағы әріптестігіміз сәл кенжелеп қалды. Алдағы уақытта – бір, екі, үш жылда – біз екі ел арасындағы азғандай тауар айналымын міндетті түрде ұлғайтамыз”, – деді Лукашенко.
Шавкат Мирзиеев Беларусь елін “байырғы серіктес” және “дос мемлекет” деп атап, тауар айналымының қазіргі жағдайы тым аз екенін мойындады. “Біз тауар айналымын өсіретін салаларды анықтауымыз керек”, – деді ол.
Самарқан қаласында Лукашенко Ислам Кәрімовтің жесірімен кездесіп, көңіл айтты. Сол күні Беларусь басшысы “Хазрат Хизр” зиратына барып, Шахи Зинда ескерткіш кешені жанында орналасқан Ислам Кәрімов зиратына гүл қойды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз