АҚШ-та жоғалып кеткен „Болашақ„ студентінің әлеуметтік желідегі жазбасы тексеріліп жатыр

346 просмотров

ҚР Ішкі істер министрлігі АҚШ-та із-түссіз жоғалып кеткен студенттің атынан жазылған жазбаны тексеруге алды.

Бұл туралы Tengrinews.kz хабарлады.

ҚР Ішкі істер министрлігі Мемлекеттік тіл және ақпарат департаментінің директоры Алмас Сәдубаевтың сөзінше, ведомство қазір бұл постты Ержан Еліковтің Facebook-те өзі жазғанын немесе өзге адамның орналастырғанын тексеріп жатыр. ҚР Ішкі істер министрлігі АҚШ-та студентті іздестіру бойынша Интерполмен бірлесе жұмыс істеп жатыр.

„29-қыркүйекте „Болашақ„ бағдарламасы бойынша шетелге оқуға кеткен Ержан Еліковті іздеуге жәрдемдесу туралы өтініш келіп түскен. Студент ата-анасымен байланысты 2011 жылдың наурыз айында үзген. Ол уақыттан бері студенттің жоғалғаны туралы Қазақстан полициясына ешкім арыз бермеген. Қазіргі кезде қажетті тергеу шаралары жүргізілуде. Тергеу барысы бақылауға алынды», — деді Сәдубаев.

Студенттің атынан жазылған пост Ержан Еліковтің парақшасында 13 қазанға қараған түні жарияланған. Қазіргі кезде жазбаның жойылғанын айта кетейік.

Загрузка...