АҚШ доллары қайтадан екпін алды

42 просмотров

20-маусымда АҚШ долларының ресми құны қайтадан нығайды. ҚР Ұлттық банктің 18-20-мамырға бекіткен 1 АҚШ долларының теңгеге шаққандағы құны — 338,59 теңге.

Ал өткен жұма күнгі ресми бағам 337,96 теңгені құраған болатын. Осылайша доллардың ресми бағасы бір күнде шамамен 1 теңгеге өсті.

Kurs.kz сайтындағы деректерге сүйенсек, Алматыдағы ақша айырбас орындарында бүгін 1 АҚШ доллары 334-336 теңге аралығында сатып алынып, 337-338 теңге аралығында сатылып жатыр. Өткен күнмен салыстырғанда бейресми баға біршама арзандаған. Соған қарағанда бүгінгі Қазақстан қор биржасындағы таңғы сессияда шетел валютасы құнын жоғалтуы ықтимал секілді.

ҚР Ұлттық банктің 18-20-маусымға бекіткен шетелдік валюталар бағамы мынадай: 1 евро —380,91 теңге, ресей рублі — 5,19 теңге, 1 фунт стерлингі — 482,25 теңге, жапон йені— 3,25 теңге, 1 қытай юаньы — 51,39 теңге, 1 қырғыз сомы — 5,01 теңге, 100 өзбек сумы— 11,56 теңге болды.

АҚШ долларына қатысты ресми бағам Қазақстан қор биржасындағы 17-маусымдағы таңғы және күндізгі сессия (негізгі) қорытындысы бойынша белгіленген. Сауда кезінде америкалық валютаның теңгеге қатысты ресми бағамы 338,59 теңге деңгейінде нақтыланды.

Загрузка...