Бүгін ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті мен қалалық Жұмыспен қамту орталығының бірлесіп ұйымдастыруымен «бос орындар жәрмеңкесі» өтті.
Қызылордада мемлекеттік органдардың қатысуымен мұндай жәрмеңке тұңғыш рет өткізілуде.
Шараға жұмыс беруші ретінде қаладағы 30 мекеме мен кәсіпорындардан 140 жұмыс орны ұсынылса, мемлекеттік органдар 137 бос орынды жәрмеңкеде ұсынды.
Сонымен қатар, жәрмеңкеге қатысуға әлеуметтік жұмыс орындарынан 5 мекемеден, қоғамдық жұмыстан 4 мекемеден, «жастар тәжірибесі» бойынша 5 мекемеден ұсыныс түсті.