Жаңа Зеландияның бірқатар қаласында «Фехи» сұрапыл дауылы ойран салды. Осыдан кейін төтенше жағдай жарияланды.
Әзірге зардап шеккендер туралы ақпарат жарияланған жоқ. Жойқын желмен қатар аймақты толассыз жауын-шашын әбігерге салып отыр. Оңтүстік және Солтүстік аралындағы бірнеше қаланы су басып кеткен.
Қатты жел ағаштарды құлатып, үйлердің шатырын ұшырып әкеткен. Ел билігі тұрғындарға жолға шықпауға кеңес берді. Жергілікті әуежай жұмысын уақытша тоқтатып, ондаған адам қауіпсіз жерге көшірілді.