Бұған дейін жеке өміріндегі өзгерістерді барынша жасыруға тырысып келген Алтынай Жорабаева бұл жолы ағынан жарылып сұхбат берді.
Ол Сәбит Әбдіхалықовпен үш жылдай уақыт бұрын ажырасқанын ашып айтты. Сондай-ақ, бүгінде жұлдызды әкенің өз қыздарын іздемейтінін тілге тиек етті. Бұл туралы 31 арнаның “Айта берсін” бағдарламасына сілтеме жасап Stan.kz хабарлайды.
“Жоқ, қыздарым әкелерімен араласпайды. Білмеймін енді, мен оларға: “Маған десе күнде көріңдер, ондайға шек қоюға хақым жоқ. Бәрібір Шегірдің қыздары, өздеріңнің қыздарың. Аралас, араласпа деп айтуға хақым жоқ. Өздерің шешіңдер”, – дедім. Қыздар жалынып, іздемейді ғой, дұрыс па? Өзі іздемесе қалай?” – дейді Жорабаева.
https://kaz.365info.kz/altynaj-zhorabaevanyn-zhyrttan-zhasyryp-zhyrgen-gashygy-bar-ma-foto-286244
“Білмеймін, мен ондайды әлі түсінбеймін. Ондай нәрсе әйел затынан емес, ер азаматқа байланысты деп ойлаймын. Егер дос болып қалып, араласып жатса, оған қарсы емеспін. Енді біз әйел басымызбен, қыздарыммен, ер азамат тұрғанда оның алдына барып иілмейміз ғой, дұрыс па?
Менен кінә кетсе, мен үшін кешірім сұрау ештеңе емес. Ұлық болсаң, кішік бол дейді ғой. Сол себепті мен қыздарыммен оларға жалынбаймын ғой, турасын айтқанда…
Жаздыгүні қыздарыма айтамын: “Аталарыңа апарайын ба? Алып кетсін ба? Не істейік?” деп. “Жоқ. Барғымыз келмейді”, – дейді.
1-2 рет айтқан кезімде үлкен екі қызым ұрсып тастаған: “Анашым, неге одан сайын жүрегімізді ауырта бересіз? Барғым келмейді. Бұдан кейін осылай айтпаңызшы”, – деді. Жақсы, әрі қарай өздерің шешіңдер дедім”, – деп ағынан жарылды Алтынай Жорабаева.
Бұл мақала қазір ВК-дағы „Атамның басы-ай„ тобында қызу талқыланып жатыр.